المقادير

دجاجة مقطعة لـ 4 قطع



2 جزر مبشور



2 علبه مكعبات ماجي



2.5 كأس رز



4 ملعقه كبيرة سمنه



هيل



زيت



فحم

الطريقة

نحط السمنه في قدر الطبخ ونضيف له الجزر المبشور ومكعبات الماجي والهيل ونحركه بإستمرار الى ان يذبل الجزر و يتغير لون الزيت ويتلون بلون الجزر



نضيف الدجاج على الجزر والزيت ونقلبه لمدة 3- 5 دقايق



نضيف له ماء مغلي



نتركه يستوي نص سوا ونطلع الدجاج من القدر ونحطه بمشخال الي أن ينشف



بهاللحظة احط الفحم على النار



واقلي الدجاج بالزيت



واكبس الرز بماي الدجاج والجزر



والحف كوب قهوة بقصدير ونفس الطريقة غطاء القدر



بعد ما يقرب الرز من السوا احط الكوب بوسطه



بنفس الوقت اكون مخلصة قلي دجاج فأصف الدجاج فوق الرز وحوالين الكوب



اصب الزيت اللي قليت فيه الدجاج بوسط الكوب



اهم لحظه هذي , امسك الفحم بالمنقاش باليد اليمنى وبإيدي اليسار غطاء القدر الملحف بالقصدير , اقط الفحم بوسط الكوب اللي فيه الزيت وعلى طوووول اسكر القدر



عشان إدخنة و ريحة الفحم ما تطلع برا القدر ويتشبع منها العيش والدجاج



اخليه يتسكر على نار هادية لمدة ربع ساعه وبس بالهنا والشفا ..





* ملاحظه مهمه : لو تلاحظون المقادير بدون ملح لانه نكتفي بملوحه الماجي , يعني الملح حسب الذوق , عليكم انكم تذوقون ماي الدجاج اذا يحتاج ملح زيدوه شوي ملح او ضيفوا له ماجي


((منقول))

اشكرك انشالله دوم مبدع

<!-- / message -->

__________________
لا ضاقت الدنيا عليك وتشاويت ...خلق الله اللي فالرخا كان واجد
ومن العرب والصوت والثوب مليت ... وقامت عليك هموم بقعا تراجد
فارفع يديك لخالقك لا توضيت ... وادعو تراك أقرب إليا صرت ساجد
ووقت من أوقاتك للأوقات توقيت ..وسجل لنفسك في المساجد تواجد
وأبشر بفزعة حامي الدين والبيت .... إليا هجدك من الهواجيس هاجد
اللي يميت الحي ثم يحيي الميت .... لرضاه شف كثر البشر بالمساجد

__________________

شـكــ وبارك الله فيك ـــرا لك ... لك مني أجمل تحية . ابن نماء