|
   |
| |||||||
| منتدى القصص والروايات :: قصائد نادرة..قصّه وأبيات..روايات..من القائل :: |
 |
| | LinkBack | أدوات الموضوع | إبحث في الموضوع | انواع عرض الموضوع |
09-24-2009, 11:57 PM
| #1 (permalink) |
| .:: عضـو متـألق ::.   تاريخ التسجيل: Sep 2009
المشاركات: 150
معدل تقييم المستوى: 16  |  سفرتي يم سوري وحضي الردي لا يفوتكم قصتي ... ان هالاجازة ماكانا مفكرين نسافربس شائتـ الاقدار وبدون ترتيب او تخطيط قرارنا السفر لدولة سوريا .. ولا اخفيكمـ كنت غير مستحبهـ لهذه السفره لكن كما يقال مافي اليد حيلهـ ..! وبالفعل سافرنا يوم السبت الموافق 1430/8/10 والحمد لله تم الوصول والسكن بمنطة " الزبداني " .. وبالتحديد في السوق ! يوم الاحد نزلت انا والوالده للسوق و كنت عند محل حلويات وبدون قصد صورته بس عجبني شكلهـ فصورتهـ ,, =")  وانا مقابلهـ المحل سمعتـ صوت ضحك واحد ُملفت للنظر ! التفت الا اشوفهـ مع طفل سوري ومن حوارهم فهمتـ السالفهـ ولاتفكرونه هالشئ صار بساعه والله بدون مبالغه يمكن الموقف خذ كله 5 دقايق !! فهمت ان الولد السوري الصغير يسأله ان كيف لك عضلات كذا كبيره ! وهو يرد عليه ان لازم تمارين ورياضه ووقت طويل !! الطفل مو قادر يستوعب والا يبي يصير مثله !! فقال له خلاص انا بعلمك شد صدرك كذا مثلي ! الطفل ماعرف وقام يشد بأماكن ثاانيهـ ! فهو ضحك على شكلهـ وبهالوقت انا التفتـ !! وبالنسبهـ لي كان موقف عادي لا أقل و لا اكثر وانتهى الموضوع !! ورجعنا للبيت ,, بالليل انا نزلت السوق مره ثانيهـ لان بصراحهـ اتملل بسرعهـ ! نزلت وتمشيت وفجأه اشوفهـ بالسوق وقلت بنفسي مو كأنـ هو نفسهـ اللي شفتهـ عند المحل !! و وللأمانهـ حتى هالمره حسيته شئ عاادي ! تكرر هالموقف تقريبا يومين الى ثلاثهـ انزل بالنهار اشوفهـ انزل بالليل اشوفهـ ! رابع يوم نزلت أدووووره ! وللمعلوميه طوال هالفترهـ هو ماحس ! فجلست ابحث عنهـ وتعبت وانا ادور وكنت احس ان الدقيقه تمر كالساآاآعهـ ..! حسيت ان عشت فلمـ ..! الموهم بعد اليأس شفتهـ ومن بعيد لبعيد يعني اشوفهـ بس هو مايشوفني ! واستمرت هالسالفه يمكن اسبوع ادمنت ع الشارع ادمنت ع المكان واذا مريت ولا شفته انجن ! واغني الاماكن كلها مشتاقه لك !! وفي يوم نزلت بالنهار ادوره وماشفتهـ وتعبت تفسيااا وقلت يمكن بالليل اشوفه وانتظرت على الاحر من الجمر ويارايحه وياراجعه والله اللي راح يراقبني بيشك فيني ! مع ان انا انسااانهـ واللهـ محترمه جداً وأول مره تصير معاي !! وأول مره ( أحـــــب ) ,, ! المهم انتظرت وانتظرت حتى الانتظار مل مني !! وطول هالوقت كنت اسمع اغنية وش جاه لراشد والعمر مايسوى للوسمي واصيح وانتهى ذلك اليوم وماشفتهـ ! ومن بكره على طووول بديت في مهمة البحث << قوقل مو بنت !! وبالفعل شفتهـ و حسيتهـ انتبهـ لي وعلى طول اناا التفت وهو طبعا طالع وبعدين عادي وهذا اللي كان عاجبني فيهـ واللهـ ماكذبت عليكمـ طوال فترة المراقبه << تعجبني هالكلمهـ احس اني مباحث كان انسان محترم تمر جنبه الف بنت ولايهمهـ !! عكس اللي الشباب الثانين مستغلين عدم تواجد الهيئه وكأنهم والله بمجمع الراشد !! ماعليناا الموهيم ,, قرب موعد رجعتنا للسعوديهـ وانا كل يومـ أتأزم اكثر !! وبصراحهـ كنت انصدم من نفسي لان هالمواقف ماكنت اتخيلها تصير معاي لاني كنت بس اشوفها بالمسلسلات والقصص الخياليهـ ! يوم الاربعاء كان موعد رجعتنا و السبت اللي بنفس الاسبوع كنت عند مجمع اسمه البيان مقابل شقتهـ اللي مايسكنها الا هو وواحد ترى مجرد توووقع !! لاني بصراحه مااشوفه الا بروحه وبالايام الاخيرهـ شفت معاهـ واحد !! المهم كنت عند المجمع وكان فيه اطفال يبيعون اشياء منوعهـ فكنت بروحي وحبيت اتعرف عليهم من الطفش اللي كنت اعيشهـ ! فتعرفت عليهمـ وكانوا مرهـ حبوبين اسمائهمـ ( دانيال , احمد , خالد , عمر , علي ) لاتستغربون انهمـ كلهمـ أولاد لان بصراحهـ ماكان فيهـ بنات وكانت اعمارهمـ 9 الى 11 يعني خامس سادس !! بس فيهم انواع البرااءه ! وجلست اسولف معاهم ومره حبيتهمـ وهمـ حبوني ,, وهذه صوره لهمـ من اليمين خالد >> دانيال >> علي دانيال وعلي اخوان !  المهم جيتهمـ ثاني يومـ وكان في يدي وردة حمراء من حديقتنا وكانت مره ملفتهـ لنظري فقطعتها ويوم وصلت لهمـ وجلست اسولف معاهمـ ماقدرت جبت طاريهـ ولاتلوموني لاني ابي اقول لأحد مافي احد حولي !! فقلت لهم شفتوا واحد دائما يمر منها يجلس بهذا المحل وشكلهـ كذا وطوله كذا هم على طول عرفوه << آآه يالبى قلبهـ وسألوني عن سبب سؤالي عنه وقلت لابس كذا !! ويوم جيت برجع للبيت عطيت دانيال الورده وقلت له وصلها له واذا سألك من مين قوله ما أدري ! قال طيب وبهذا التصرف كنت متردده مليون مره لان بجد بجد اول مره يصير معاي كذا ! ورجعت البيت ونمت وكنت انتظر بكره بفااااااارغ الصبر !! ورحت لهم على طول وقبل لا اروح لهم صادفتهـ بالطريق وحسيت نظرتهـ انهـ عرفني بس والله اللي يشوفه وهو يطالع كأنه يطالع اي احد بس انا كذا حسيت ! فرحت لهم اهرول وسألته عن الاخبار قال عطيته وبهذه اللحظه كان بيغمى علي قلت له لاتكمل ! خلني اجلس اول ويوم جلست واخذت نفس عميييييق قلت له كمل ! قال عطيته وابتسم وسأل من مين ؟؟ رد عليه دانيال مابعرف ! قال تصدق اول مره بنت تعطيني وردهـ !! انا انصدمت صراحه !! قلت يمكن يعطونه حديقة ورد موب ورده !! وانتهى الموقفـ !! وقرب اكثر واكثر موعد الرجعه وانا مو متخيله اني ماراح اشوفه !! ويوم الثلاثاء قبل مانمشي بيوم كتبت لهـ ورقه و والله اني يدي تكتب وقلبي يمنعها بس ما ادري الى هاللحظه اشلون كتبت !! ما اذكر مضمون الرساله بالضبط بس فيما معناهـ "اني حاولت امسك نفسي عن هالرساله بس ماقدرت عواطفي غلبتني ولأول مره !! بعدين كتبت تحت ايميلي azoz.14202@hotmail.com وعطيتهـ دانيال يوصلهـ وبالفعل وصلهـ ولا اذكر ايش كان ردة فعلهـ !! بالليل جيت اودع دانيال واصدقائه وياحوبي لهم اللي عطاني سلسال واللي عطاني بالونه اللي تكون منفوخه بغاز وتطير !! وواحد ريشة طاؤوس طوويله للذكرى يعني ووووو,, ويوم جيت امشي قالوا لي يبون رقم جوالي بس رفضت لاني خفت يطيح بيد احد !! وحاولوا فيني اكتب ايميلي ووافقت وانا منزله راسي اكتب ومنشغله الا الاخ (خالد ) قام من عندي >>صورتهـ  وراح يركض ,,, بهالوقت حسيت بشئ بقلبي !! سألت دانيااال ووووين راح ؟! قال والله مابعرف ! الا أتفااجأ انه ( هو ) واقف جنب خالد !! انا دوروني ماتلقوني حسيت ودي الارض تنشق وتبلعني وماعرفت اتصرف غير اني امشي بخطوات كبيره كأني اركض لباب المجمع وتخيلوا الموقف وانا ماسكه البالونهـ واليد الثانيهـ ريشة الطاؤوس !! وقلبي قلب زيران << كان شكلي مره يضحك ! وانتظرت اشوي ورجعت وانا بطريقي اللي انصدم ان ( ..... ) بوجهي !! مييييييين تتوقعون ؟؟ اللي بوجهي كاااااااااااااااان,ولد عمي فارس طبعا بين علي الارتباااااااك وسألتني ايش فيك ؟ قلت لهاا لاااا بس ... وصرفتها وانتهى الموقف وكانت آخر نظره مني لهـ !! تعبت وانا ابحث عنـــــــــــهـ حبيتهـ من كل قلبي ,, ومن عرفتهـ حبيت شئ اسمهـ قلم !! فأي خاطرهـ تقرأونها لي اقصده فيهــا ملاحظهـ ’’ احب اقولكم شئ بعد عنهـ * ماشفته يبستم او يضحك غير اول مره عند محل الحلويااات مع اني راقبته حوالي 12 يووم ! << ذبحني غرورهـ *على انهـ عرفني وحس فيني ومع ذلك اخلاقهـ ماسمحت انهـ حتى يحط عينه بعيني مده طويله << يالبى قلبهـ * تخيلوا اول مارجعت فتحت المسن توقعتهـ اضافني بس تفاجئت انهـ لا قلت يمكن مابعد يرجع للسعوديهـ ومازال بسوريااا وكل يوم اعطي نفسي أعذاار !! انتهتـ .. آآه حسوا بشعوري وانشروا القصه لعلها توصل له ! اخوكم/ حمودي حارتنى
__________________ كانك زعلت اشرب للبحر والجال وكانك رضيت الدرب لازم تدله محمد الزبني حائل |
|  |
|
02-09-2010, 08:47 PM
| #4 (permalink) |
| .:: عضـو Vip ::.   تاريخ التسجيل: Sep 2009 الدولة: دوله الكويت
المشاركات: 1,862
معدل تقييم المستوى: 17 | اخوي محمد اشكرك غلي نقلك لنه عن موضوعك مشكور
__________________ [flash=http://www.alzbon.com/vb/ahmad.swf]WIDTH=500 HEIGHT=250[/flash] القلب يجبرني عليك انت بالذات . ولا العرب واجد وغيرك مزايين ارجوك كلمني من الروح بسكات . كلمة غلا تجمع قلوب المحبين للتواصل:s79k@hotmail.com |
|
| |
|
| مواقع النشر (المفضلة) |
|
|
العرض العادي
