|
   |
| |||||||
| منتدى الشعر الشعبي :: هنا تجدون الشعر الشعبي من القائل :: |
 |
| | LinkBack | أدوات الموضوع | إبحث في الموضوع | انواع عرض الموضوع |
09-15-2009, 04:29 PM
| #1 (permalink) |
| مشرف منتديات التعليم والتدريب   تاريخ التسجيل: Sep 2009
المشاركات: 413
معدل تقييم المستوى: 16  |  قصائد مرشد البذال عنوان القصيدة(سر ياقلم) سر ياقلم واشرح على بيـض الأوراق من ماتصور لـي معـانٍ لهـن ذوق مـن هاجـسٍ بيـن المعاليـق دقـاق يبدي له أنواع مـن أفـراح وغلـوق خـل القلـم لملـون الحبـر دفــاق يمضي نهاره بين الاصبـاع مخنـوق يدرس مشاكل خاطرٍ كل مـا ضـاق كن النحر من ونـة الجـوف مفتـوق انـا لشرهـات التماثـيـل عـشـاق لوني علـى قفـر التماثيـل مسبـوق الفكر يومه انـه لشـره المثـل تـاق تراي وصيتـه عـن الهـزل والبـوق معطيه وصـفٍ يتبعـه قطـر تفـاق عن منهج القاضي ترى الطرق مطروق لاخيـر فـي جيـلٍ يلفّـق تلـفّـاق الجيـل عنـوان اهلـه فيـه ملـزوق والنـاس كـل لـه تعابيـر واشـواق والهم على الطامع مشاريـه وحقـوق وليا اشتبهنـا مصـدر الحـق فـراق الحـق لـلأول بـلا شـك وارهـوق الله علـى والعمـر مـا دام بـرفـاق ما دام عـن دورات الايـام مرفـوق شوف الغدير بحاجر الـروض لهـاق والبيت توه باطـراف النقـع مطقـوق أنا هـوى بالـي طويـلات الاعنـاق دلال رسـلانٍ لهـن وسـط وعنـوق جيب الهشيم وشفـت للنـار سـوراق شفت السنا عن مسحب الجمر مفـروق اليا فاحت اللقمة تـرى الهيـل لحّـاق يازين كف الهيـل بالنجـر مصفـوق أشـر بـدق الهيـل يامـال الاعنـاق خلّ الشفاوي يسمـع الهيـل مدقـوق ليا من راعي الكيف مـن مرقـده واق ادعه على الفنجـال والحـي مـرزوق يوم الهـدوس بسكـرة النـوم غـراق يامحـلا صـوت الفناجيـل مسيـوق بيـتٍ يزورونـه شريفيـن الأخـلاق بيتٍ شريف وراعـي البيـت ماثـوق ياحلو مجلسهـم تحـت عفـر الاوراق في خايع نبتـه شمـل كـل خنتـوق وليامشي دواج في بعـض الاصفـاق جاب الزبيدي من نشانيـش رقـروق مدهال من يعبالهن صلـف الاطـلاق واللـي تشايـل ديدهـا تقـل جالـوق صفرا إلـى حنـت عطيفـه تفهّـاق جاها حويرها مـن الحبـس مطلـوق وناسـة الخاطـر يزيلـن الأغــلاق ودنيـاك مـا داوم طربهـا لفـاروق صيـور زفـرات الهبايـب بـالأدواق لابـد مـن يـومٍ يصيـر الهـوا دوق من حسب الدنيا علـى جبـر ودقـاق ماطاب عيشه لويحوّق الذهـب حـوق ماضاع حرفّي علـى السفـن حـدّاق ولادام من عد الذهـب وزن وعـروق والبخـل مايغنـي ردييـن الأوفــاق كثيرهم ثوبـه علـى المتـن مشقـوق لو تشنقه ما ادرك ثمن مـوس حـلاق إن كان ما حدٍ خلصه مـات مشنـوق والجود مايضعـف زكييـن الاعمـاق اللي عن الزابن دفـع منهـم السـوق مكرميـن الضيـف بكبـار الاشنـاق جـل الغنـم وإلا عـداوٍ مـن النـوق وصحونهـم ماتنقـدر كـود بحـلاق من كثر مافيهـا مـن الذبـح معلـوق وقصيرهم في مبـركٍ دمـث ورقـاق كنه عن العيلات فـي راس شاهـوق يفداهم اللـي لا شـرف السلـم هتـاق اللي ولـد جـاره مـن ابنـاه ملفـوق وصلوا على المختـار مـالاح شعـاق ما انزاح ليل وبزت الشمـس بشـروق عنوان القصيدة(الورع عيا) الورع عيا لا يوافق علـى النـوم قـام يتهشـم ويتزايـد عويـلـه ادوج به وسط الدكاكيـن واحـوم ادور اللي يشتهـي واشتـري لـه واذا نشدته قـال ماعنـدي علـوم يقول ابي امـي والسوالـف قليلـه مالي على شيلـه جـلاده وتعلـوم مير الدهر خلانـي اليـوم اشيلـه ياعبيد لو أمك بهـا قـوة عـزوم الورع والله ماعترض فـي سبيلـه انـك لتلقانـي مكفـي ومحشـوم وهـي بشوفاتـه بصيـر دليـلـه ياعبيد انا يابوك ضايـق ومهمـوم أضحك وفي كبدي سوات المليلـه أضحك واوسع خاطري وابعد لحوم واطلب عسى تالي العواقب جميلـه شكواي للي يفرض الحج والصـوم والا البشر ياعبيـد ماينشكـي لـه ماجور ياللي بالطبيب أمس واليـوم الله يجيرك جعـل ماهـي طويلـه ياصاحبي لوكان بالبيـع والسـوم كان اشتريـك وتشتريـك القبيلـه لاشك مادبر علـى العبـد مقسـوم حيل الله أقوى مـا باليديـن حيلـه ياعبيد أنا يابـوك مانـي بمليـوم الغبـن غبـن منقضـات الجديلـه بعض النسا ياعبيد تقنيهـن القـوم واللي كسبها قـال عنـدي حليلـه لي صاحب في وقتنا اليوم معـدوم اليا فقدته ويـن ابـا القـى مثيلـه عذروب خلي شارةٍ فيـه مرسـوم يتبع غضب نفسه ويرضي قبيلـه والجار يبطي ماشكى منـه مثلـوم ولاهي علـى رواد بيتـي بخيلـه ولاهي من اللي تطرق النزل وتحوم دايم على الفرقـان يومـي شليلـه عنوان القصيدة(لو راس مالي بس بشتي مع الثوب) يا ناس راع الحب لو كان ابا اتوب تراه مثـل الطفـل نفسـه رديـه لا شاف من يظهر له الهرج مقلوب تطـري عليـه ايامـه الاولـيـه يكسر كما يكسر على التتن شاروب عنت عليه وتـل قوطـي خويـه المستريح اللي عن الحب محجوب محـدٍ تولـع بـه لالـه بغـيـه يا ما ذكرنا من عجاريف وعجوب في وقتي اللي فات تطـري عليـه ما دك في قلبي من الهـم دالـوب همي فـراق مقرمـزات الشفيـه لو راس مالي بس بشتي مع الثوب اغنى من اللـي يملـك القيصريـه واليوم لو عندي حلال ابن يعقوب غناة تالـي العمـر ماهـي حليـه كني مدير البنك والمال محسـوب امانـةٍ للنـاس مـاهـوب لـيـه الى توادع كـل غالـي ومحبـوب حطـوه بيـن العايلـه بالسـويـه هذا طريق الناس والاجل مكتـوب كلٍ يبي مـن والـده لـه وزيـه لا مت كلٍ شال حقه على صـوب (الطيّب اللي يشترى لي ضحيـه) يالله عسى ماني بالنسـل مغلـوب ويا عل ذكرانا مـع النـاس حيـه هذا وصلوا عد ما ذكـر مكتـوب على النبي المعصوم من كل سيـه عنوان القصيدة(غرفة الانعاش) يحول اضن الحـق جتنـى طروشـة جتنى مطاليبـة وانـا عنـه منحـاش اليـوم كـن بداخـل الجـوف هوشـة مثل اختراش الزلم فى داخلـي جـاش ياللة عسـا عفـوك ولطفـك نحوشـة يالله بحسـن الخاتمـة عنـد الاقـراش دنيـاك لوتعطيـك زيـن المعـوشـة تالـى دعاويهـا تعـود علـى مـاش يامـا خذينـا بـاول العمـر شوشـة وياما مشينا مـع مضاهيـر وادبـاش فـى خايـع وبـل الثريـا رشـوشـة نجنى الزبيدى فى صحاصيح ودشـاش وياما جلسنا مـع مـرودع رقوشـة . فـى سهلـة ماحدرنـا زل وافـراش فى وسط روض مخضـرات خفوشـة نبتة جديـد ومبعديـن عـن الطـاش خلـى يكلمـنـى بنـفـس هشـوشـة بس العجوب وعرضة انظف من الشاش نبـنـوب لاخبـلـة ولا بمخـروشـة عنـق الغـزال مذيـرة زول حشـاش لاشك من طـول الغيـاب محشوشـة تونس معاليـق مـن الهجّـر عطـاش اسرار فى وسـط القلـوب مخشوشـة بيـن الثنيـن ولادرى عنهـم الـواش ربعـت وفـا والا السلـب مانحوشـة مانى لوجـة معـذب الحـب خمـاش واليوم مالى مع هل الصيـد نوشـة . عطيتهـا غيـرى بـلا غيـر ببـلاش عند الطبيب وصـار عنـدى وحوشـة ومن الاقامة صابنى خـوف واخـراش هالحين شفنـى نايـم عقـب دوشـة. اصلب عظامى وكن بالحيـل هشهـاش خليـت ديوانـى وبيـتـى وحـوشـة اليـوم شفنـى ساكـن دار الانـعـاش عنوان القصيدة(العلم الاول صنعـوه الرشايـده) قال الذي بالعدل واجه قصايـده كل العلوم الضايعه مـا يقولهـا فعل الشكاله نفتخر فـي فوايـده والناس نفسي بالصحيح شهدو لها من لا يقول الحق ما تقى قصايده المشكلات لها رجـال تزولهـا العلم الاول صنعـوه الرشايـده وباقي القبايل نفتخـر بفعولهـا ماقول انا ربعي على الناس زايده الناس كل له مقاصـده ينولهـا الطيب كل الناس تمشي بسايـده الا الـردي اللازمـه ومهبولهـا انا كلام الحـق مانـي بزايـده ولا اطيع نفسي بالخطا وجهولها انا خروفـي رجعـوه الحدايـده وسلمت عشرين وثبـت قولهـا اترك الصبي ينثني في شدايـده عن لابه يوم الفعـول حسبولهـا اميرنـا يفعـل وحنـا سنايـده ليبان في كلمـة نشرنـا قبولهـا فعل الشجاعه زبده في جدايـده جـدد فعايلنـا تقفـي سمولهـا عنوان القصيدة(الله من قلب) الله مـن قلـب بـدت فيـه الأنـواع تاخذ بـه افكـاره هجـوس وتناويـع دويـت بافكـار كبيـرات ووســاع وآشـوف كـل روايـة جالهـا ريـع مير ان راعـي كلمـة الصـدق بتـاع أهـل الصداقـه للتـحـدي مفـاريـع الصدق له مع سايـد الحـق مطـلاع والكذب له مـع غيـر يمـه مطاليـع كم واحد مغريـه رايـه ولـو ضـاع في خاطره عنده لمـن ضـاع تسنيـع وكـم واحـد للـي يشيـرون مطـواع للي عطـاه الـراي ممنـون ومطيـع قلبه ليا شـاروا هـل العـرف سمـاع أخـذ مـن الأريـا ثمرهـا بـلا بيـع وكثر التجارب درس والـدرس نفـاع فيهـا لذربيـن الرجاجـيـل ترفـيـع احرص على ربعه شريفيـن الأطبـاع لوهـم مـن الأجنـاب فيهـم منافيـع كم نـازح يشـرى والأقـراب تنبـاع بيعـة رجـا ماهيـب بيعـة تقاطيـع لاتستـوي بالغيـض صـارم وجـزاع علـى رفيـق شفـت منـه التواجيـع لاعاش من دايم على الربع صعصـاع ومقطـع جيبـه يـديـن الفـراريـع وان طعت راي اللي درس كل الأوضاع الميز هـو مصـراع كـل المصاريـع رجل بلا ميـز ولـو طـال لـه بـاع يضيع افعالـه مـن الجهـل تضييـع واحذر تصير لمن وثـق فيـك خـداع ترى أقشر الحـالات حـال الخداديـع الخـدع لـو راعيـه بالـزود طمـاع تـراه مثـل زراعـة مالهـا ريــع من طاب لك بالمد قـدم لـه الصـاع ولاتفتخـر كانـك تعـرف المواضيـع
__________________ لا ضاقت الدنيا عليك وتشاويت ...خلق الله اللي فالرخا كان واجد ومن العرب والصوت والثوب مليت ... وقامت عليك هموم بقعا تراجد فارفع يديك لخالقك لا توضيت ... وادعو تراك أقرب إليا صرت ساجد ووقت من أوقاتك للأوقات توقيت ..وسجل لنفسك في المساجد تواجد وأبشر بفزعة حامي الدين والبيت .... إليا هجدك من الهواجيس هاجد اللي يميت الحي ثم يحيي الميت .... لرضاه شف كثر البشر بالمساجد |
|  |
|
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شعر غزل 2010 قصائد غزل جديدة | ابرهيم | منتدى الشعر الشعبي | 2 | 07-22-2010 04:39 PM |
| احدى قصائد والدي حادي ابن عادي | صدام الزبني | منتدى شعراء القبيلة | 9 | 02-21-2010 12:58 PM |
| اشعار قصائد حامد زيد مكتوبه - ابيات و كلمات قصائد شعر مكتوبه | سلمان الزبني | منتدى الشعر الشعبي | 3 | 01-01-2010 06:27 PM |
| قصائد مختارة | إبراهيم بن عايض | منتدى الأدب والشعر الفصيح | 6 | 12-21-2009 09:40 PM |
| دعوة للمشاركة : لمن يعرف قصائد هؤلاء الشعراء ... | بشير الزبني | منتدى شعراء القبيلة | 9 | 12-15-2009 01:49 PM |
العرض العادي
