وهذي قصيده مهداه من الشيخ بجد بن دغيلب الخراصي الي الشيخ شليويح بن عويش الزبني والخراصي من قبيله عتيبه من روق من ذوي عطيه من بني خراص وكانو يرتبطون بعلاقه قويه معا قبيله الزبون
سر القلوب الخافيه يعتبر غيب
وانا اعبر عن ضمير لساني
تسمعوا تحية ابن دغيليب
بلقلبا نصوح وخاطرا بهلواني
فخرا بعشوان العيال الشلاهيب
لطامه العايل بحد السناني
يا مرحبا بزورنا والف ترحيب
زياره عزيزه ما تجي بالتماني
حي الزبون اعداد نجم مراقيب
ما ينكر ابنا الجد كود الهداني
صلب الجدود اهل الوفاء والطيب
نطاحة الواجب بليا ريب
معروف عند الناس قاصي وداني
صحيح والصحيح ما عنه تجنيب
مهما يقول فلان والا فلاني
خراص من خراص في كل تعريب
من اهل القدايم من قديم الزماني
ليا جالهم علي القبايل مطاليب
من يمهم ما حدا يشيل العواني
زبني وخراصي علي العز والطيب
نضربك الكافر يجي مسلماني
حنا لكم سيف عطيب المضاريب
وانتم سنادي عن صدوف الزماني
مالي ومال مكثرين العذاريب
هرجا بغير الصدق ماله معاني
خله يولي من نسيم الهباهيب
وحجتكم اوضح من سهيل اليماني
وجدانكم معروفين عند الاجانيب
بين القبايل في رفيع المكاني
تعبير عن مشاعر ابن دغيليب
يختار من جزل البيوت السماني
ناخذ من الدنيا دروس وتجاريب
نقضي عليها وقت والعمر فاني
العذر عن تقصيرنا بالمواجيب
نبيه منك يا طوال اليماني
بذكر الله الفرد الصمد عالم الغيب
اختم كلامي عن زيارة اخواني