|
   |
| |||||||
| منتدى الشعر الشعبي :: هنا تجدون الشعر الشعبي من القائل :: |
| | LinkBack | أدوات الموضوع | إبحث في الموضوع | انواع عرض الموضوع |
07-19-2010, 11:22 PM
| #1 (permalink) |
| .:: عضـو جـديد ::.   تاريخ التسجيل: Jan 2010
المشاركات: 49
معدل تقييم المستوى: 0  |  محمدبن فطيس المري السلام عليكم ورحمة الله وبركاته مساؤكم شعر ومشآعر ,, قصيدة من شاعر الجزالة والأحاسيس : محمد بن حمد بن فطيس المري .. الذي امتعنا بكلماته واطربنـا بشعره ,, القصيدة حقيقةً مؤثرة واعتبرها معلقة , يغزل الكلمات باحتراف كغزل الصوف / لآ أطيل عليكم / / ,,, فهــذه القصيدة الحرفية : يالله يا علام ما يخفى ومـا تخفيـه الصـدور إنك تعين اللي يخفي فـي شموخـه الانكسـار يا من لكثر أخطائنا سميـت نفسـكبالغفـور إغفر جميع ذنوب عبـد لاذ بإسمـك واستجـار لا صارت الحاجه حياء فالكف مدتهـا سفـور وش حلها يا واحد من فوق عرشـك تستخـار كانك تبيّن ضعفنـا ...قـد ذلنـا منـك طيـور وإلك يتوشح بالعبوديه زعيـم أسمـى الحـرار الفقر قاسـي كنـه إسرائيـل يلتـف ويـدور خمسين عام والعرب في وهم إعـادة الانتشـار اما الغنى مثل العـرب يظلـم ولا فكـر يثـور يمشون درب الهون وغوتهم سهولة الإنحـدار للحاجة أسلوب يدمر في البشـر كـل الشعـور اشد مما تفعلـه فـي الارض أسلحـة الدمـار ما لومها الحاجه إلى منها خذت فـرع وجـذور مادام ما قد ذاقها واحد مـن أصحـاب القـرار ما فادنا حفظ النشيد اللي صدحنـا بـه بـزور وأنشودة مضمونهـا عمـار يـا داري عمـار كم ليلة سامرت كتبي كم ذهبـت بـلا فطـور أسابق الأيام وأسهـر كـل ماجـاء الإختبـار من واجبات المدرسة كنت احلم ابني لي قصـور كنت احسب ان من حلها يجني من أنواع الثمار بآطور أسلوب المعيشة بالمواظـب والحضـور وبالبس دروع العلم واسهم في طريق الازدهار ((بالعلم نبني امة تبقى علـى مـد العصـور)) عبارة منها عرفت أسبـاب الاسـم المستعـار ازرع و أشوف الطير ياكل في السنابل والبـذور واتركه ياكل خافه أحوج ليـن خربهـا وطـار يا صغرها اللقمة إلى من جات في تالي الشهور لاجيت أوزعها على الضيفان ودموع الصغـار يا ما طول الطابـور للـي ينتظـر ياتيـه دور هي وقفة الأقـدام كلـت او صعوبـة الانتظـار يا راسي اصبر والصبر محمود في كل الأمـور حتيش لو عشت الحزن من صغر لسنين الوقار لا يكسرك حزن تعيشه يشبـه أحـزان القبـور والضيقة اللي عزها ياتيك فـي تالـي النهـار يسقى الطفولة لو بساطتها أليمه فـي النحـور على الاقل تعفيـك مـن ريـع يوجـه للكبـار الموت لا صرت محسوب وحل بك بعض القصور تشب نار المرجله والفقـر يطفـي ألـف نـار من كنت طفلا في المهد وأنا اسمع الدنيا تـدور وقربت ثلاثين الأمل وأنا على نفـس المسـار ما عاد ينفع في خريف العمر لمحات السـرور ما دام نزوات العمـر فاتـت وعداهـا القطـار وين الثقة في وقتي اللي من عرفته في دبـور من وقفة أبناء الجزيرة ليـن خونـة قندهـار يسقيك يا وقت الفرس والسيف والقلب يوم الرجال أصنـاف مـا كـل يقلـط للفقـار زماني اللي حطنـي عـادي ولا قلتـه غـرور ولا ني بمنهـو لا إنظلـم يرضيـه رد الإعتبـار اقدر أخربها واعرف إني على الشـدة صبـور اقدر ولكن شيمتي تاقف ودمعـات الصغـار..!! انتهت ,,, في الأخير لا أملــكـ إلا ان اقول : / ,,, صح السانك يامحمد وتستاهل العلوم الغانمة دمتم بود /اخوكم الوسام
__________________  |
|  |
| مواقع النشر (المفضلة) |
| الكلمات الدلالية (Tags) |
| محمدبن, المري, فطيس |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شيله محمد بن فطيس المري | أحمد سالم الزبني | صوتيات وصور من التراث | 4 | 01-06-2010 01:13 PM |
العرض الشجري
