|
   |
| |||||||
| منتدى شعراء القبيلة :: يختص بشعراء قبيلة الزبون فقط :: |
 |
| | LinkBack | أدوات الموضوع | إبحث في الموضوع | انواع عرض الموضوع |
02-21-2010, 03:21 PM
| #1 (permalink) |
| .:: عـضو نشـيط ::.   تاريخ التسجيل: Oct 2009
المشاركات: 98
معدل تقييم المستوى: 16  |  الشاعر:ابوعبالرحمن قصائد الشاعر الكبير والمميز:بشير بن سعدي الزبني (ابوعبدالرحمن) بسم الله الرحمن الرحيم الصلاة والسلام على اشرف الانبياء والمرسلين امابعد.... اقدم لكم قصائد الشاعر الكبير والمبدع بشير سعدي الزبني(ابوعبدالرحمن) ولاكن انقل لكم بعض القصائد وليس كلها وهي خمسة قصائد: نبداء,,,,,,,,,, 1-رحمة ( رجاك ) / ذل ( يأسك ) ........ ورقه قديمه تحت رحمة رجاك وذل ياسك يالغريب أمرحـت رفيقٍِ للجروح ولا بقى بـي جـرح ماأونستـه شرهت من الوصال اللي على شأنه وقفت وطحت ولكن !! شرهتي ضاعت وعرفي معك ماقستـه ابيك ولا حصلي معك غير أنك نزحت ورحـت تبي هاك الطريق على معـاي العـام مارستـه تجاهلت الوثايق والعقـود المبرمـات وشحـت تنومس فالنصيب اللي خيـار النـاس عاكستـه على بالك خلصت وللمكان اللي وصلت أفلحـت يورالك : قدم رجلـك طريـق صـح دايستـه لوانه مكسبي حب العيون من الخساير : صحت ! غني / وأسمع قصيدٍِ مع هجوس القلب هوجستـه رياح الغرب لا هبـت نسايمهـا علـي وبحـت ترى ماهو على شانك / شعـورٍ قـد تمرستـه مع اللي جيته نبض العروق وعن خطاه اصفحت جميـلٍ تنحـدر كـل المزايـا مـن مؤسستـه الامنه نظر لي فالعيون مـن الهمـوم ارتحـت سعاده في زمانٍ ما تخلـي الرجـل غطرستـه تقهويته غلا لين أبتـداء ذاك الطريـق وفحـت حكمني ظرف وقتي وابتـدت فالقلـب هلوستـه على مزة ثغره ووجنتـه ونعاستـه ماامرحـت توسدت الجروح ولا بقى لي جـرح مااونستـه ـــــــــــــــــــــــــــــــــــــ@@@@@ــــــــ ــــــــــــــــــــــــــ 2-غنايم الوقت !!!! دون شوي !!!! غنايم الوقت دون شـوي وثرثارة الحكي موجـوده لو مات راع الشهامه حي عاشت جمايلـه وجهـوده والنفس فيها المعزه ضـي والصبر لا ماه محمـوده آخر علاج المريض الكي والمدعي يحضر شهـوده والسالفـه كلبوهـا لــي منسوبـةٍ لـي مـردوده من واقع التجربه / لا شي لحنّت طرقي على عـوده من قدم النا طعامـه نـي لا تنشد الناس عن جـوده مصايب الوقت هي هـي وضيوف جده من السوده البارحـه ماطرالـي زي طاريك من ذعذعت نوده يام الدلع / ياحتكار الغـي ماأنتي على الصده محدوده خيال وصلك سرابه مـي لو ماسبق برقـه رعـوده تعيش جرد المشاعر فـي حرارة العشـق وبـروده تسبرك هذي شقيقـة ذي والشوق من عوده لـعوده ــــــــــــــــــــــــــــــ@@@@@@ــــــــــــــ ــــــــــــــــــــــ 3-نثر وبلك تمـر أيامنـا لمحـة بصـر واللاحـق الملـحـوق على الـدرب الطويـل توقـف الرجليـن مجبـوره <FONT color=#000080>أسولف لك عـن الماضـي كـذا والزمـان يسـوق مقاديـره علـى الساعـات والأيــام وشـهـوره على ماضي غـلاك يهيّـض الشاعـر وأدك النـوق ياليـن تحـط فريـاض اللقـاء وتحـن لشـعـوره تحايلتـك مثـل حلـم وتعديـت الخيـال بــروق وأنا أصب الرجاء في كاس حزني وأشرب مـروره ! أكذب فيك صمتي وازرع البسمـه علـى المنطـوق عسى يصـدق خيالـي معـك والأحـزان مقبـوره على وصلك سكبت الدمع وأشبعت الضلـوع حـروق مـن الونـة الـلـي كــل مابـعـدت مقـهـوره لكني مابغيت اشـره علـى العاشـق ولا المعشـوق ولا شاركت نفسي فـي غيـاب الطيـف وحضـوره أعـدي كـل علـمٍ مـن وراه اليـاس لـيـن أروق وأحضر مامضـى وأعيـد نفسـي للـورى دوره ! أعيـد الذاكـره لأيـام وصلـك وأبتديـك شـروق وأغنـي علـى مـوال قربـك وأبـنـي جـسـوره نثر وبلـك علـى قـاع الحنايـا وأرتـون عـروق بعـد كانـت فياضـي ممحلـة والأرض مهجـوره نبت لك تحت صدري شوق وأخضرت غصون الشوق حيابـك يابسـي وأختـاط جـرحٍ يـدك دكـتـوره يحلق في سمـاي الطيـر والأفـراح ترقـى فـوق وأنا أشوفك على حد النظـر بالصـوت والصـوره طرالك شي من صوب الحبيـب وجيـت فـن وذوق تلقفـك اليديـن وكـل خطـوه مـنـك مشـكـوره بنيت لك الغلا من سـاس وأغـلا مايطـب السـوق من أصنـاف الجواهـر والخسايـر مهـي مذكـوره يخيلـي غـلاك أنـك معـي يالجـادل المنـتـوق وأحطـك بيـن ريضـان الحشـا وتغـرد طيـوره لونـي دارسٍ وضعـك سنـه , والزمـان يـسـوق مقاديـره علـى الساعـات والأيـام وشـهـوره !! ــــــــــــــــــــــــــ@@@@@@@ـــــــــــــــــ ـــــــــــــــــــ 4-حصل خير ما اقول ياصدوف السنين ورجاها على المفارق غير جملة حصل خير وياعين خلـي دمعتـك ماوراهـا عينٍ تهل الدمع غيـر المخاسيـر لأن الدموع اللي بـدا فيـك ماهـا حسرات قلـبٍ ضيعتـه المقاديـر عن وصل من هد الضلوع وبناهـا وبدت له الأشواق ورد ومصاديـر الجادل اللي من هواهـا .. هواهـا ماعـاد عينـه تلتفـت للغناديـر يحطها في مـوق عينـه وأذاهـا بغت تروح إلهـا عليـه المعاذيـر هذيك تبقى غيـر عمـن سواهـا في وصلها غير وجفاها بعد غيـر يسري بشريان الهـواوي غلاهـا ويبقى لها فالقلب حشمـه وتقديـر لانـي أبيهـا والسرايـر تبـاهـا لو دونها جيش المغيـره طوابيـر تبقى معي ماحدٍ وصـل مستواهـا من دونها حدب المحاني مزاريـر لوهي تدك ضلـوع قلبـي فداهـا لا قبلهـا ولا بعدهـا مسايـيـر على رضاها تعيش نفسي رضاها وعلى زعلها يصير فالوضع تغيير يجوز فيها الطرق لو مـا قراهـا وأصير فيها من حساب المشاهيـر تسبى القلوب وكـل شـيٍ طراهـا عنقاً تشـد افكـار وتشـل تفكيـر من حسنها كـن البنـي حراساهـا وقصيدةٍ بلسـان كـل الشواعيـر وبالزين صارت سالفـه لاقرباهـا ما كنها إلا سالفـة سالـم الزيـر واليوم يـوم ان الزمـان أحتماهـا ما غير أجر الصوت وألاحي الطير غديت ملحق دلوهـا مـع رشاهـا ماعاد افكـر فـالبنـي الغناديـر والنفس لوهي تالفه مـن رجاهـا يبقى رجاها لين تلفي علـى خيـر أمـا كـذا وإلا المحبـه بـلاهـا لوأنها بحسـاب ذيـك المشاويـر ياوجـد قلبـي لا تذكـر خطاهـا والحاجة اللي وقفتني وأنـا أسيـر مدري ولكن ردهـا مـن عطاهـا ربٍ له رقـاب الأوادم مصاغيـر أحبهـا محـبـةٍ مــا وراهــا عسى وطنها للسحـاب المزابيـر ويسعد صباح أيامها مـع مساهـا اللي جفاها غير ووصالهـا غيـر ـــــــــــــــــــــــ@@@@@@@@@ــــــــــــــــــ ـــــــــــ 5-كرسي الوزير العمر فرصة والحظيظ اللي على قلـبٍ بصيـر يأخذ من الماضي على الواقع له دروس وعبر !! والمهره اللي كـل مالديـت فعروقـي تسيـر وتحط فرياض الحشا وأذكـر محبتهـا وأمـر تعملت في الغـلا مـن أولـه حتـى الآخيـر تحكمت فالسمع والأحساس وأحكمت البصـر ! بينـت قيمتهـا معـي مثـل الأدارة فالمديـر شربت منها العشق وأشواقي بحر وهي بحـر .. لعيونها الثنتين ترقابـي عسيـرٍ فـي عسيـر قمت أتلذذ في خطرها من خطـر ليـا خطـر وصالها لمحة بصـر واقفايهـا شـرٍ شريـر وإلها الغلا والشوق والتحنان والقلـب المقـر ؟ وأن أقبلت فزيت لوني علـى كرسـي الوزيـر رموشها رمح الطعون وعينها موتٍ حمـر !!! تميل فغصـون المحبـة والهـواوي يستخيـر وتضيق نفسه من خلـو يديـه وأيامـة قشـر قولوا لمصانع الأقمشة لا يصنعون إلا الحريـر لانها تليق بجودته واللون ياحمـر يـا خضـر أعيش حالات الغلا معها علـى قلـبٍ ضريـر طلت على مثل القمر وأمست معي ليلة عمـر !! وأن ركبت سحب المشاعر فوق معلوقي عصير ثـم أنتبهـت ولا بدالـي منّهـا حـس وخبـر عرفت بأن الوصل سيـده والبعـاد المستديـر وأشتلت وأنا للفرج عينـي تلفـت وأنتظـر !! دارت بـي الأيـام واشتـدت عليـه يامجيـر ياكافـل الأيتـام وأرزاق البهـايـم والبـشـر عوضني اللي فات من عمري قبل دمعي يحيـر وأسوق رجلـي للضيـاع وللمهالـك والجمـر عزيز قـومٍ ساقتـه الأيـام للـدرب العسيـر % التعديل الأخير تم بواسطة حسن عيادة ; 02-21-2010 الساعة 04:35 PM |
|  |
|
03-05-2010, 03:02 PM
| #6 (permalink) |
| مشرف منتديات التعليم والتدريب   تاريخ التسجيل: Sep 2009
المشاركات: 413
معدل تقييم المستوى: 16 | د قصائد رائعه من شاعرمبدع ويعطيك العافيه اخوي حسن
__________________ لا ضاقت الدنيا عليك وتشاويت ...خلق الله اللي فالرخا كان واجد ومن العرب والصوت والثوب مليت ... وقامت عليك هموم بقعا تراجد فارفع يديك لخالقك لا توضيت ... وادعو تراك أقرب إليا صرت ساجد ووقت من أوقاتك للأوقات توقيت ..وسجل لنفسك في المساجد تواجد وأبشر بفزعة حامي الدين والبيت .... إليا هجدك من الهواجيس هاجد اللي يميت الحي ثم يحيي الميت .... لرضاه شف كثر البشر بالمساجد |
|
| |
|
| مواقع النشر (المفضلة) |
| الكلمات الدلالية (Tags) |
| الشاعر:ابوعبدالرحمن |
|
|
العرض العادي
