بسم الله الرحمن الرحيم

الأخوة الأعزاء اعضاء وزوار منتدى قبيلة الزبون

السلام عليكم ورحمة الله وبركاته

اليكم مافي الذاكره من قصايد لشاعر منور فريح بن حلان (ابو ابراهيم)....

وكلي أمل ان تنال اعجابكم وقريبا سنوافيكم في بقية القصايد...ودمتم سالمين



قصيدة اجتماعية



سميتها حومـه على شـانهــا تحـوم.... مافيـه بابــن مغلقــن ماتطقه

تسرح صلاة الصبح وتجمع اعلوم.... وعند الغروب تجيب جله ودقه

وعد الغــروب تـدقق ارقام وارقوم..... مافيـه رقمــن تعــرفه ماتـدقه

وبعد الغروب تنوم في نومها احلوم.... حياتها فيها تعاســه ومشقـه

روايحه ريحة بصل خالطه ثوم.... مــافيــه بيتـن قــدرهـم مــاتلــقه

الله يقطع جنس هاذي من القوم.... فــــروا عليــها دربــها لاتحــقه



كلمة هلا

فقدت كلمة هلا ياخوي.... لو قالها اخوي مع عمي

فقدتها بعد مات ابوي.... واتلى الخبر يوم موت امي



مرثية في خادم الحرمين الشريفين الملك فهد بن عبد العزيز رحمة الله عليه



مرحوم ياللي مات في يوم الاثنين..... على فهدنا الشعب تبكي عيونه

عـــز الله انه وافـي يوفـي الــــدين.... وافي قـل لايموت سـدد ديـونه

ياالله عسى ابن باز وابن العثيمين.... في جنة الفردوس يستقبلـونه





قصيده من الشاعر العلم مربح بن صنيتان موجهه لشاعر منور فريح



ما تقــل لك ناس





وش هقـوتك يامنور فريح حــلان .... منّي سؤال و منك يحــتاج ردّي



كم مرة مريت مســرع وعــجلان.... لو المطب يعـارضك ما تهــدّي



ما تقــل لك ناس بهالدار صدقــان .... وان صوتو لك يمهـم ما تلدّي



هذا حسب شهادة شهــود الأعـيان.... قالوا كلام(ن) عنك لوكان ودّي



مرات مفـطر عـند خالك حمـيدان .... ومـرات في بيت الأمير متغـدّي



ما أقول لا تنصا هل الجاه والشأن.... ربعـي وكل(ن) للوازم يســـدّي



أقــول لمـــريت حـــارة صـنـيـتان.... سلم لو أنت مع الطريق متعدّي



رد الشاعر منور فريح على الشاعر مربح صنيتان

كل المعرش ربعتي



كـل المـعرش ربعتــي ياكـحيــلان.... ودي امـر افــلان وفــلان ودي

وان كان ماشفتك تصوت بالأعيان....امـا سهـو والا نظـــرنا متــردي

ترى قـديملـــي نديمـــي حمـــيدان.... هـذاك عـنده ياابن الأجـواد سدي

وترى سـلطان..... ابا صله لو تاقف الناس ضدي

اكـيد انا مخطي بحقك وغلـطان..... ارجو السموحه منك ياعقب جدي

__________________