 حاكم نجد .. قصيدة للشاعر : بشير الزبني
قصيدة للشاعر : بشير الزبني بصاحب السمو الملكي الأمير سلمان بن عبد العزيز أمير منطقة الرياض .. بعنون ( حاكم نجد ) سلمان مابـه حاكـمٍ مثـل سلمـان بالعزم والهيبـه وفعـل النواميـس يزعل لها الراضي ويرضى زعيلان ماعندنا في مدح الأبطـال تهجيـس والله ليبـطـن القـوافـي والأوزان ماوصلن سلمـان مـا بالأحاسيـس لانه جمع بين التواضـع والأيمـان وغلاه من فـوق الغـلا فالمقاييـس أمير نجد اللـي للأمجـاد عنـوان دارٍٍ تعلـت للنجـوم المـراويـس دايم تباشـر بالمكـارم والأحسـان في كنف من يمناه غيـث المفاليـس مدات جوده بيـن حضـر وبـدوان عوايده , مطلق سـراح المحابيـس ضلـعٍ تذرابـه قبائـل وسلـفـان صدره وطن وضلوع صدره متاريس دايم لقصـره فالضحـى والمسيـان يردون من شتى الديـر والأجانيـس قصراً يظلل عن صواديف الأزمـان في ظـل راعيّـه فـدوه الهلابيـس شيخٍ نسايم سيرته عطـر الأذهـان وشواهده عنها يجوز امرؤ القيـس مواقفٍ من سالف الوقت إلـى الآن هيهات يحصيها القلـم فالقراطيـس نسل الأمام اللي جمع شمل الأوطان على الشريعة وأسس الحكم تأسيـس مـن الحديثـه لشـروره لنجـران ينشر لامن ويذود ويحارب ابليـس ينطح بسيفـه دون غاليـة الأثمـان على المهار الصفر والندّر العيـس حتى رفع من مسجـد الحـق الآذان وتنكست راية هل الجهـل تنكيـس عبدالعزيز اللـي هجدهـا بشامـان من الكويت وزاح عنهـا الكوابيـس يالله عسـاه فجنـة الخلـد سكـان وتهب له من روض خلده نسانيـس شعر / بشير الزبني
__________________ اذا عجبك موضوع من مواضيعي فلا تقل لي شكراً و لكن أدعو لي بالآتي: (( اللهم اغفر له ولوالديه ما تقدم من ذنبهم و ما تأخر )) 
التعديل الأخير تم بواسطة جهزمنصور ; 10-10-2009 الساعة 12:52 PM |