راكب اللي صوت جنزيره
يبهج النفـس الشقاويـه
من وكالة ( رنج ) تصديره
مركب الـروس الكباريـه
ماحسـب راعيـه لليـره
والعـمـولات البنوكـيـه
فك لـه خزنـة دنانيـره
تــاركٍ راي العمـاويـه
موتـرٍ كشنـه وأزاريـره
فيـه للديبـاج مـاريـه
فل كامـل مايجـي قيـره
غيـر علاقـي مدالـيـه
كـن ميقافـه بدحـديـره
يـوم أطالـع فالخلافيـه
راهي ٍ فالوصف عن غيره
فالمقاييس السعـــوديه
صانعه ملعون ابو صيـره
مـن سـلالات اليهوديـه
تـو ماشـدت مساميـره
بالوكالات التجـــاريـه
معطي ٍ راعيـه تأشيـره
فالتهاتـيـه الخـلاويـه
ماتثبتـه أن درج سيـره
الــردارات المـروريـه
شارة الاميـال فـامبيـره
تطرق الميه ورى الميـه
منوة اللي بـاح اساريـره
بالطواريـق الهجينـيـه
يوم عقّب كبري عشيـره
والمواعـيـد انتهـازيـه
جاذبه صـوتٍ تباشيـره
فيـه للمشتـاق حـريـه
صوت من ورثني الحيـره
والجـروح الأستعـاريـه
دونه الضيقـات تقزيـره
فوق ذيك وفـوق هاذيـه
جـادلٍ فالوصـل حذّيـره
مير مـا ألـوم الحياويـه
حالفٍ ماابحث لها السيره
المشاعـر صـورةٍ حيـه
في مكانٍ غربـي الديـره
ليلـةٍ ماهيـب عـاديـه
للغيـاب أدنـات تبريـره
مرحبـا واهليـن بالجيـه
تـو ماغنـت عصافيـره
الزمان اللي علـى النيـه
الزمـان اللـي مقاديـره
الف شكر الها ضروريـه
مـدت الأشـواق تبهيـره
ومنوة الضرمـان بريـه
آه يالـيـلٍ مصـاديـره
كـل مافيـهـا مثالـيـه
عن مكاسب شره وخيـره
يالله الغفـران مثنـيـه !