بسم الله الرحمن الرحيم

الحمدلله والصلاة والسلام على اشرف الانبياء والمرسلين،،، امــــــابعد.....

اقدم لكم نبذه من قصائد الشاعر المعروووف والكبير:عيادة سعدي دابس الزبني(ابوحـــــمد)
ولعلها تحوز على رضاكم،،،،،،،،،،،،




نبداء;;;;;
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ

1-(ياحمود خط للمحبين وده)

يبغاك لاكن قامت الناس ضـده**حطو على دربه رقابه ونضرات
اهل النمايم والوجيه المصـده**الي لهم بفراق الاخوان عادات
لامن بنينا الحب قامـو بهـده**ويسيسون من النمايم عمارات
سلم خطابـي ياصديقـي بيـده**الله يفكك من جميع المصيبـات
واليا نظربه ناعس الطرف رده**لازم تجيني في علوم وجوابات
ياحمـود قلـه لايبيـح بسـده**وانا محافظ بالعهود القديمـات
واموت في عهده وقلبي يـوده**ونسيان خلي سابع المستحيلات
ايا حمود خطي للمحبيـن وده**بلغ سلامي للحبيـب وتحيـات
قله عياده جرح الدمـع خـده**قلبه ينوح وتذرف العين عبرات

2-(سلام ياللي يوعد الناس)
ســــــلام يالي يوعدالناس ويخون ** واول زمانه لاعطى الوعد مــــــاخان
يابوفهد ماهي طبيعه وهلــــــون **يعني كذا بالامس واليوم عدوان
اول ليامن غبت يمي تسجون ** تسئل وانا اسئل عنك في كل الاحيان
والله وربي خالق الكاف والنون ** انه عزيزن عندنا ماله اثمــــــا ن
لاكــن تغير والزمن غير الكون ** واصبح عزيز النفس ضايع وغلطا ن
وقتن يخل الشــــــيخ للعبد مديون ** واول زمان{ الــــــكـــــــور} راعي مع الضان
العـــبــد صــار بخير والشيخ مــديــون ** من طيب نفسه صار للغيـــــــــر منـــــدان
يالله عساهم عن سمايه يحلـــــــون** هاك الاعدا الي تلبس اثياب صــــــــــدقـــــــان
لو كنت انا من سبت الطروف مسجون ** والا من الملبوس عاري ومنهان
ماراح انخاهم ولا اقول تكفـــــــــون** لاني قنعت ولو ترددت خســـــــــــــران

3-(ياليت من يحد الناي بحسد)
ناسن غلاهم قد وسط الحشا قد ******* قد الحديد بحامي الاكسجينا
ودي بلاماهم واعد الزمن عد ********** مير السعاده عارضت ماتبينا
صبرت صبر ايوب لاشك ماسد ******** مافاد بجروحن تزايد علينـــا
ياليت لو من يحسد الناس يحسد ******* حتى يواجه موقف العاشقينا
وياليت لو من ود ياتيه ماود ********* ترتاح ناسن مغرمه من سنينا
راع الهوى منحد مايحتمل حد ****** يكفيه شين فيه يالعاذلينا
جو البشر صافي وهو جوه اسود ***** يقضي وقوتن للوناسه حزينا

4-(احس بقلبي)
احس في قلبي لهيبآ من النار** من نار غازآ تدفعه ساعة الضغط
امشي تقل منجوم في فكر محتار** مابين ذي وذيك والفك والربط
غديت كني راعي النار والغار** يبغى السلامه والطلوع وتورط
هاذي سنه وانا متورط وصبار** واليا متى واحروفها مالها انقط
يابو فهد يامسندي واف الاشبار** ان مانتهة هاليوم ماتنتهي قط
افزع معي لو ذقت من عقبها امرار** نبي نفك احبالها قبل تنشط
وابشاربي لاغوص في وسط الابحار** واني لارجعهم على العام بالضبط

5-(ابا اتذكر)

ابا اتذكر ويش من ذنب سويت **فكرت فيها يوم وقتي وطاني
لا لا على المسلم والا الكافر اخطيت**لاكن مصيبه من زمانن بلاني
حتى عن الجاره ليا مرت غضيت**ويمكن من الزله بريآ لســـاني
صمت الشهر ياسعودوالفرض صليت**وحتى الزكاه اسوقها برمضاني

6-(دحدر وبه الشياطين)
لاوالله إلا دحدروه الشياطين**مع طلعتآ فيها خطر موت مكتوب
دقو عليه طبولهم وامتساوين**في دقة المزمار والصوت مسحوب
كذب وصدق وانحصر بين جالين**عود وصدق هرج طقاق عرقوب
خله بعمياها ليا ساعة الدين**حتى يجرب لبسة الثوب مقلوب