| خل الزعامه وش تبي بالزعامـه’’
خل الزعامه وش تبي بالزعامـه
من عاش بالإذلال ينسى البطولات
ربيعكم وإن سـاد مثـل النعامـه
وكباركم صاروا بجنبـه نعامـات
الشرق الأوسط تستحلّـه حمامـه
مادام بالتخذيـل جتنـا جماعـات
الغرب يبشر في كثيـر السلامـه
والسالفه ماهي مجـرد شعـارات
غزه .. ظلامه يشتكي من ظلامه
وحنا نصوّت للشعـر بالإمـارات
منهو وصل للصين يابـو دلامـه
والأندلس منهو ملاها حضـارات
فرّق تسد .. والحق قل إحترامـه
حلل كلامي صح وأمل الفراغـات
القاعـده كذبـه تبنّـت أسـامـه
مثل صعدنـا للقمـر والمجـرات
خب الذهب لو غيروا لـه نظامـه
الأسـم الأول ماركـه بالسجـلات
علمان سمّه فـي حـلاوة كلامـه
يدعي لجحر الضب عبر القنـوات
البنت ود الغـرب ينـزع لثامـه
من باب تحقيق العدل والمساوات
مع السلامـه .. ياحيـاة الندامـه
الديـن لله .. والبقيـه خرافـات
ولا .. آقول .. أحسنت خلّك نعامه
خلك مع الإذلال وأنس البطـولات.
لشاعر:عبدالله الجعيثن.
__________________
أملك كنوز الارض بلمسة يديني * لاني قدرت املك صلاتي والايمــان
واحكم ملايين البشر في يميني * لاني قدرت املك هوى النفس باحسـان
ويملكني اللي بالوفاء يحتويني * ويرخص بعيني اقرب الناس لو خــان
الله خلقني مالي العز عينـي * والله اموووت ولا يجي يوم وانــهان
|