سـلام يـا سـاس المكـارم واهلهـايا اصل الوفاء والمجد والعز والطيب

سـلام يـاعـز الـديـار وأملـهـايالنـادر اللـي يستحـق التراحيـب

اميرنـا اللـي كـل عليـا دهلـهـاعبدالعزيـز الشهـم راع المواجيـب

ابـو سعـد دار الكرامـه وصلـهـاتاقف لـه الامجـاد عـزّه وتوجيـب

حـر(ن) تعـلا والمراجـل حملهـاما يسكن الا بروس هـاك الشناخيـب

الوافـي اللـي للمواقـف جملـهـافيه التواضع ورث ماهـو مناصيـب

وفيه التسامـح فطـرة مـا افتعلهـامن صغر سنـه مايحـب الاكاذيـب

صادق ومخلص والمواجـب فعلهـاطبع الكرم طبعـه ولابـه عذاريـب

اهل الجبـل والموقـده مـع سهلهـاوسلمى وجبل رمان شرق(ن) وتغريب

تفخر بطيبـك يـوم صيتـك شملهـاولك في صميم القلب حشمة معازيب

حايـل لاجـل عينـاك لبسـت حللهاواسقيتها من طيب كاسـك مشاريـب

وتبقى علـى درب المعـزه لاهلهـاارض تحبـك حـب مابـه تعاجيـب

فعلـك نبيـل وغايـتـك مكتملـهـافعـل الشهامـه يازبـون المطاليـب

ياسيـدي حتـى الوفـا قـال قلـهـاانك مـع النومـاس ترقـى مراقيـب

وانـك عزيـز وللمعالـي بطلـهـانسل الحرار ومعطبيـن المضاريـب

من ويـن اببـدا وانتهـي واحتملهـاقصـيـدةٍ لا رددوهــا المنـاديـب

الشعـر عـيّـا مـايـدور بدلـهـاوالشعر في غيرك يعـاف المكاتيـب

انت القصايـد انـت احـلا جملهـاانت المعاني في وصوفـك أساليـب

الكامـل الله ثــم طيـبـك كملـهـاإنسان تحمل في ظميرك غـلا طيـب

سـلام يـا سـاس المكـارم واهلهـايا صل الوفاء والمجد والعز والطيـب