| الشاعر ثامر شبيب الدقباسي
أعزائي القُــرّاء..
أحسب الكلمةُ زَلزَلةٌ لـ وقعٍ عظيم...!
وأحسبُ الشِّعر أعظَمُ مِن أن يقوله فقط مَنْ لا يَفعلوون...!
قِصة الشّعر أزليّة باقية منذُ أن أُنزل الكتاب وفيه آيات مُحكمات...!
وقبلَه على لسان من كان في قلوبهم زيغٌ باتّباع ما تشَابهَ مِن الكِتاب ابتغاء الفتنة...! أحسبهُم بقولِه تعالى...!
أنستطيعُ هُنا نُكران القلم وتزكية الشّعرِ بمجرّد ذوائق وحروف...؟؟؟؟!!
أعتقد أننا نحتاج إلى وقفة تُمجّد الإلهام والإحساس..
اللذان التقيا ينزِفان الشّعر قَطَراتٍ من مَحابر...!
نلتقي اليوم مع واحدٍ ممن كان للشّعر مِنه نصيب ...
الشاعر ثامر الدقباسي
لو مهمى كتبنا عن شاعرنا مراح نوفيه بكل الكلام ولاكن
نخليكم مع القاء
هُو من قال/
,
,
,
محتاج لك حيل والله يقطـع الحاجـه حدتني وجيت اداري دمعـة عيونـي باين علي التعب والضيـق وانتاجـه منهار لوني متغيّـر ماهـو بلونـي لقيتك .. اللي يصد معقـد حجاجـه وانت اقرب الناس والغالي ومضنوني أيــضـــاً/
,
,
, ياصاحبي بتموت ماني براجيك واشره علي انكان حتى طريتك لاصار ذل النفس في قلب يغليك يلعنك ياقلب ٍ عشقك وشريتـك اضحك حبيبي دام وقتك مسليك باجر تموت من القهر لا نسيتك - نبذة مختصرة لشاعرنا ؟
شاعر احاول اكتب كل ماحسه
3- اين الشاعر ثامرشبيب الدقباسي من الساحة
موجود بقوه في قصايدي لكن حضوري الشخصي قليل اهم شي الشعر
4 - ماهو جديد ثامرشبيب الدقباسي
ديوان صوتي قريبا راح يكون بالاسواق اسمه ليلة افراق
5 -لقد نشر في بعض الوكالات الشعرية بان الشاعر ثامر شبيب الدقباسي اعتذر عن مشاركتة في امسيات هلا فبراير بجانب عبدالله علوش و عطالله فرحان ماهو سبب اعتذارك ؟
موضوع امسية هلا فبراير اخذ اكبر من حجمه كنت مشغول وعتذرت كبروا الموضوع على الفاضي
6- عندما تم اعتذارك تم دخول الشاعر ثنيان الرشيدي في هذي الامسية هل ترى انه هو الشخص المناسب في هذي الامسية بديل الثامرشبيب الدقباسي ؟
مافيه احد يكون بديل احد لكل شاعر جهموره وقصايدي
7- لماذا غياب الشاعر ثامر شبيب الدقباسي عن الامسيات الشعرية ومالسبب ؟
انا شخص لايستهويني الاعلام كثيرا حاولت اغيّر من نفسي ماقدرت لكن هذا انا احاول بأذن الله راح اقدر اوعدكم
8- الشاعر ثامرشبيب الدقباسي لماذا انت بعيد عن جمهورك
يمكن يكون كلامي صحيح لكن صدقني انا جمهوري وفي حبني لشعري وبعدين لشخصي شكرا لهم من القلب
9- ظهورك في قناة المختلف .. هل هو بداية لعلاقة وديه مع الأعلام بشكل عام ؟
باذن الله عملت لقاء بالمختلف وطلع والحين سجلت الثاني وراح يكون قريبا على شاشة القناة انتظروه اتمنا التوفيق
10- الانترنت .. الصحف .. المجلاتمن التي خدمت الشاعر والشعر بنفس الوقت من وجهة نظرك
كلهم مكملين لبعض بوجهة نظري اشوف النت الممول الاول للساحه حاليا
11 - شاعر المليون .. ظاهرة الموسم الثقافية ..هل أضاف للشعر الشئ الكبير ؟
برنامج ناجح بجميع المقاييس اتمنا لهم التوفيق
12- غلب الغزل على اغلب قصائد شاعرنا ...لماذا
الحب اجمل شي .. يمكن يكون بعد لعمري سبب عموما انا كتبت جميع اغراض الشعر وبكثره لكن يبقا الغزل غير
13- القصائد القبيلة ..هل ساهمت في دفن لون بعض الشعراء ؟
انا ترى ما ادقق جدا على الامور لكن اي شي يزيد عن حده ينقلب ضده
14- من قدوتك في الشعر؟
والدي اطال الله في عمره
15- لقد كانت هناك مساجلات شعرية بين شقيقك ناصر ووالدك فهل كان هناك مساجلة بينك وبين والدلك ؟
اول شي ناصر عمي الله يرحمه وليس اخي .. ثاني شي فيه بعض المداعابات وليست رديات بيني وبين والدي
16 - ماهو الشي الي مايعرفة الجمهور عنك ؟
اني كنت لاعب كرة قدم بنادي التضامن الرياضي
17 - قصيدة او بيت لثامر الدقباسي تهديه الجماهير ؟
ياناشدن ساحـات الاعـلام عنـي ارتاح من كتب الرسايـل بالاقـلام مبعد عن الساحـه وغثاهـا لأنـي شاعر حقيقي ماني بحاجة اعـلام الشعر احسه قطعت انسـان منـي كبرته بعيني علـى مـر الاعـوام كتبـت كـل اللـي احسـه وكنـي اترجم احساس المخاليـق بالهـام ومن شفت جنيه لشاعـر وجنـي عرفت ان المسأله صـارت أوهـام تركـت شعـار المجنـن تغـنـي على لحن: ياشاعـر النـاس نيـام ولجروح قلبي قلت: في صمت وني ماودي تسمعها الاماني والاحـلام ظنيت في شعري ولاخـاب ظنـي حشمته سواة الرجاجيل الاحشـام للمقفيـه ماقلـت تكفيـن حـنـي ادوس ماضيها مثل دوس الاقـدام و للشيخ ماقلـت الركايـب تعنـي ازيـن اسلـوب المدايـح لحكـام وعن الملحـن والطبـل والمغنـي حرمتها بحكم الشريعـة بالاسـلام واليـوم رد العلـم للنـاس عنـي وارتاح من كتب الرسايل والاقـلام مبعد عن الساحـه وغثاهـا لأنـي شاعر حقيقي ماني بحاجة اعـلام 
ثـامـر شبـيـب الدقـبـاسـي
19 - الى من تهدي البومك الجديد ؟
طــبــعــــاً لــلــغــالــيــــه
20 - بالنهاية هذا القاء كلمة اخيره ؟
اشكركم على هذا اللقاء الخفيف واوعدكم بلقاء اطول انشاءالله . 
اتمنى ينال اعجابكم ماطرحته لكم.. بنت صقر الجزيره.
__________________
أملك كنوز الارض بلمسة يديني * لاني قدرت املك صلاتي والايمــان
واحكم ملايين البشر في يميني * لاني قدرت املك هوى النفس باحسـان
ويملكني اللي بالوفاء يحتويني * ويرخص بعيني اقرب الناس لو خــان
الله خلقني مالي العز عينـي * والله اموووت ولا يجي يوم وانــهان
|